သူတို့က ခုမှပါ အမေရယ်..
သားက သန္ဓေတည်ကတည်းက အမေ့ကိုချစ်တာ
အမေ့ဗိုက်ထဲမှာ လက်သီးလေး ဆုပ်တတ်ဖို့
အမေ့အူနံရံတွေကို ကုတ်ခြစ်ခဲ့ဖူးတယ်
သားချစ်လို့ပါ။
သူတို့က ခုမှပါအမေရယ်..
သားက အမေဆင်းရဲကတည်းက ဒိုးတူဘောင်ဖက်
ချွေတာတတ်ဖို့ ရက်ရက်စက်စက်ပြောကြတဲ့
ဒေါက်တစ်ဖက်စာ လစာလေးကို
အမေ့စီးပွါးရေးအတွက် ချွေးစက်တွေရင်းခဲ့တယ်။
သားချစ်လို့ပါ။
သူတို့က ခုမှပါ အမေရယ်..
သားက အမေကာကွယ်မဲ့ချိန်တည်းက အမေ့အတွက်
မားမားမက်မက်ရပ်လို့ တစ်ချို့ပြောကြတဲ့
လူသတ်လက်နက်ကို တရားသဖြင့်ဖက်ခဲ့တယ်
သားချစ်လို့ပါ။
သူတို့က ခုမှပါအမေရယ်..
သားက အမေ့ဘက်ကို လက်ညှိုးပေါင်းများစွာလှည့်ကြတည်းက
အမေ့အတွက်ခံရခက်လို့ ကလောင်တစ်ခုနဲ့
အပြုသဘောတွေ ဗြောင်ပဲ ပြုခဲ့တယ်။
သားချစ်လို့ပါ။
သူတို့က ခုမှပါအမေရယ်..
သားက ကျောပူမှဝမ်းအေးခဲ့တဲ့ အမေနဲ့သားတို့ဘ၀တွေ
ငြိမ်းချမ်းရာလေး ရရှိဖို့ အမေ့ရင်ကိုလဲ ခွဲခါခဲ့ရတယ်
ပြန်လာခဲ့မယ် အမေ
သားချစ်လို့ပါ။
(၇ နှစ်မြောက် ကျောင်းဆင်းနှစ်ပတ်လည်နေ့အတွက် အမှတ်တရ။
အမေဟူသော နာမ်စားသည် အမိမြန်မာနိုင်ငံတော်ကို ရည်ညွှန်းပါသည်)
ကြည်း- ၄၀၆၂၁
ဗက- ထက်မင်းဖြိုး
0 မှတ်ချက်:
Post a Comment